رساله sms
من طرف باختصار الـ 3 شهادات دول هما احسن شهادات مهنية فى العالم فى مجال
المحاسبة والمراجعة والادارة المالية ولهم مميزات كثيرة جدا وبقت مطلوبة
حاليا فى سوق العمل , والشركات الكبرى والبنوك الاجنبية بقت بتشترط
للمتقدمين لشغل الوظائف ان يكون معاهم Cma او Cfa او Cpa
وانتوا لو قريتوا فى اعلانات الوظائف حتلاقوا دا .. طبعا الفرق بين
الشهادات دى وشهادة الماجستير والدكتوراة هو ان الشهادات دى شهادات مهنية
اى خاصة بسوق العمل اما الماجستير والدكتوراة هى شهادات اكاديمية مرتبطة
بالتدريس فى الجامعة يعنى ..
المهم حبدا دلوقتى واعرف لكوا كل شهادة والفرق بين الـ 3 شهادات ::
اولا الـ Cma دى اختصار لـ Certified Management Accountant ::
ودى من احسن واقوى الشهادات فى العالم فى مجال المحاسبة الادارية , الـ Cma بتديك ايضا ميزة زمالة الجمعية الامريكية للمحاسبين IMA
وبحصولك علي زمالة جمعية المحاسبين الأداريين الأمريكية تصبح محاسب أداري
متخصص (محترف) معترف به دوليا ، او محاسبا للتكاليف محترف ايضا والـ Cma
بتدى العديد من المميزات للحاصل عليها مثل فرص عمل متميزة واجور جيدة .
شهادة الـ Cma بتتكون من 4 بارت او 4 اجزاء ::
اول بارت بندرس فيه : F.m و Economic و Audit و Qba
تانى بارت بندرس فيه : Cost و Management و Budget preparation و External finance
تالت بارت : Corporate finance و Strategic Marketing و Strategic planning و Decision analysis
رابع بارت : organization communication و organization Management و Behavioral Issued و Ethical Consideration
المفروض بعد اى بارت يخلصه الدارس يروح يمتحن عليه فى الجامعة الامريكية
فى القاهرة الامتحان بيبقى مكون من 110 اختيار ومدة الامتحان 3 ساعات
ويعتبر الطالب ناجحا اذا استطاع الاجابة على 65 % فاكثر من الامتحان .
امتحان الـ Cma بيختلف تماما عن امتحان الكلية لان امتحان الـ Cma بيعتمد على الفهم والاسئلة اغلبها بيبقى واضع الامتحان عايز يشوف الدارس دا فاهم ولا حافظ لان عشان يبقى معاك Cma انت بقيت Certified فلازم تبقى فاهم كويس مش مجرد حافظ قوانين وخلاص .
مدة الدراسة الـ Cma حوالى 3 سنوات واطول بارت هو البارت 2 .
دى صورة الشهادة اللى بيحصل عليها الدارس بعد نجاحه فى الـ 4 امتحانات المتعلقين الـ Cma ::
ثانيا شهادة الـ Cpa ودا اختصار لـ Certified Public Accountant ::
ودى شهادة مرتبطة بالـ Audit واغلب المواد اللى بيتم تدريسها فيها متعلقة
بالـ Audit وهى اقوى شهادة عالمية فى مجال المراجعة وبتدى ميزة زمالة
المجمع الامريكى للمحاسبين القانونين AICPA .
مواد الـ Cpa اغلبها ليها علاقة بالـ Audit حيث يدرس فيها :
Auditing & Attestation
Regulation
Business Environment & Concepts
Financial Accounting & Reporting
وشهادة الـ Cpa بتتكون من 4 بارتات زى الـ Cma
بارت 1 بيتم دراسة :
GAAP for Business Enterpriser و Governmental Accounting و Non profit
بارت 2 بيتم دراسة :
Business Law و Professional and Legal Responsibilities و Fedral Taxation
بارت 3 بيتم دراسة :
Finance و Economic و IT و Costing
بارت 4 بيتم دراسة :
GAAS و Other Standard related to attestation engagement و Auditing procedures
العيب الوحيد فى الشهادة دى من وجهة نظرى هو الامتحان بتاعها لان امتحان الـ Cpa لازم تروح تمتحنه فى امريكا نفسها وطبعا للاسف فيه ناس بعد مادرسوا مواد الـ Cpa هنا فى مصر السفارة الامريكية رفضت اعطائهم تاشيرة للسفر لامريكا لخوض الامتحان .
بس غير كدا هى من الشهادات القوية جدا فى مجال المراجعة ومدة الدراسة حوالى سنتين .
ثالثا شهادة الـ Cfa وهى اختصار لـ Chartered Financial Analyst ::
ودى شهادة مرتبطة بالتحليل المالى او الـ Finance وشهادة الـ Cfa
بتديك ميزة عضوية معهد المحللين الماليين بالولايات المتحدة الأمريكية وهى
شهادة مهمة جدا فى مجال التمويل المالى والاستثمار والبورصة وبتدى مميزات
كتير فى المجال دا .
مواد الـ Cfa متعلقة بالتحليل المالى والاستثمار والاحصاء ودراسة الـ Cfa صعبة شوية وعايزة مجهود .
الـ Cfa عبارة عن 3 مستويات :
المستوى الاول : بيدرس فيه
ادارة المحافظ المالية Portfolio Management واستثمار Investment وطرق احصائية Quantitative Methods واقتصاد Economic .
المستوى الثانى : تحليل الشركات والمصانع و تقييم الاصول
المستوى الثالث : ادارة محافظ ماليية وتقييم السلوك المهنى بالاضافة الى تطبيق المفاهيم التى تم دراستها فى المستوى الاول والثانى .
بعد الانتهاء من دراسة كل مستوى يذهب الدارس للامتحان عليه فى الجامعة
الامريكية فى القاهرة ويتكون الامتحان من 240 اختيار ومدة الامتحان 6
ساعات .
- اهم الشروط للتقدم للامتحان فى الـ 3 شهادات ان يكون الدارس حاصل على البكالوريوس او فى السنة النهائية بالكلية .
وزى ماقولت الـ 3 شهادات مهمين جدا فى سوق العمل والحصول عليهم بيدى مميزات كتير جدا . [/size]
